ۋىۋو يانفونىغا ئاپتوموبىل ئاچقۇچى ئىقتىدارى قوشۇلدى

ھازىر يانفون بىلەن ئاپتوموبىلنىڭ باغلىنىش دەرىجىسى بارغانسېرى ئېشىۋاتىدۇ، نۇرغۇن ئاپتوموبىللار يانفون ئارقىلىق قۇلۇپىنى ئېچىش، يانفون ئارقىلىق يىراقتىن كونترول قىلىشنى قوللاپ، ئاپتوموبىل ئىگىسىگە تېخىمۇ كۆپ قولايلىقلارنى ئېلىپ كەلدى.

vivo ئورگان تەرەپ تۈنۈگۈن vivo يانفونىغا رەقەملىك ئاپتوموبىل ئاچقۇچى ئىقتىدارى سەپلەنگەنلىكىنى، ھازىر لىشىياڭنىڭ بارلىق ئاپتوموبىل تىپىنى قوللايدىغانلىقىنى ئېلان قىلدى.

لىشىياڭ (理想) ئاپتوموبىلى vivo رەقەملىك ئاپتوموبىل ئاچقۇچىغا ئۇلانغاندىن كېيىن، ئىشلەتكۈچىلەر يانفونىنى ئېلىپ ئاپتوموبىلغا يېقىنلاشسىلا قۇلۇپنى ئاچالايدۇ، ئاپتوموبىلدىن يىراقلاشسىلا ئاپتوموبىل قۇلۇپى تاقىلىدۇ.

يانفوندىكى ئاپتوموبىلنى كونترول قىلىش كۇنۇپكىسىنى بېسىپ، يىراق - يېقىندىن ئاپتوموبىلنى كونترول قىلىشنى ئىشقا ئاشۇرغىلى بولىدۇ.

vivo نىڭ بۇ ئىقتىدارنى قوللايدىغان يانفون تىپلىرى: vivo X Fold، vivo X Flip يۈرۈشلۈكى، vivo X يۈرۈشلۈكى، vivo S يۈرۈشلۈكى، iQOO يۈرۈشلۈكى، NEX يۈرۈشلۈكى ( Android نۇسخىسى 10.0 دىن يۇقىرى بولۇشى كېرەك ) قاتارلىقلار.

 بۇ يىل 2-ئايدا، vivo ئورگان تەرەپ ۋىۋو يانفوننىڭ رەقەملىك ئاپتوموبىل ئاچقۇچى ئىقتىدارىنىڭ ۋېيلەي ئاپتوموبىلىغا سەپلەنگەنلىكىنى، ۋىۋو يانفونى ئارقىلىق ۋېيلەي ئاپتوموبىلنىڭ قۇلپىنى ئاچقىلى بولىدىغانلىقىنى ئېلان قىلغان ئىدى.